葡萄牙文化 - 葡萄牙聖誕節習俗

正所謂一年容易又聖誕，相信大家都覺得今年時間過得特別快，好似岩岩先過完新年，依家又話過聖誕嗱。

講開聖誕，唔知大家最近有無去過新馬路呢？去過嘅同學仔一定見到嗰棵又高又大嘅聖誕樹嗱，唔知大家有無即時覺得開心咗？因為終於嚟到一年最興奮嘅聖誕節啦！

聖誕節本身係西方節日，同澳門應該無太大關係，不過因為澳門以前被葡萄牙殖民過，所以葡萄牙嘅傳統文化就傳到嚟澳門。唔講可能唔知，其實葡萄牙有超過八成居民都係天主教徒，所以聖誕節對佢哋嚟講就同我哋新年一樣咁重要。

喺葡國過聖誕同澳門過聖誕最大嘅分別就係慶祝節日嘅對象，話明佢哋過聖誕等於我哋過新年架嘛，所以喺大城市打工嘅葡國人都會提早返家鄉過節，通常都會過埋元旦先會返城市返工。

平安夜當日，好多舖頭都會提早關門返屋企食飯，就好似我哋嘅年三十晚😊，一齊係屋企團圓食飯，加上葡國嘅冬天都幾凍架，大約只有十度左右，(係呀，葡國冬天係唔落雪架)，所以喺屋企開住個暖爐一齊食聖誕大餐真係人生一大樂事啊！

到咗聖誕節當日，葡萄牙大街就好似我哋嘅年初一咁，係完全無鋪頭開門架，因為大家都係留係屋企休息，或者去探望親友。所以葡國人屋企都會貯存咗幾日嘅食糧。

而聖誕翌日，就當然係拆禮物嘅日子啦！相信大家都係最期待呢一日。拆完禮物，大家就繼續享受呢個聖誕假期啦。

講咗咁多，相信大家都對葡萄牙嘅聖誕節有少少概念，既然今年我哋唔可以即刻飛去葡國過聖誕，不如等我哋比啲葡萄牙里斯本嘅聖誕節燈飾大家欣賞吓？順便學埋幾個關於聖誕節嘅生 字啦！

去相！